مشتاق زورك ببيتك ولوبالأحلام ........ آخر السهرة وفي حد البيت صفصافة
ويكون بعدو رطب شعرك من الحمام ........ ويصير يرقص من كتافك على كتافي
ونسهر ويسري الشهد عا ثغرك البسام ........ وقلك دخيل الشهد والقطر عا كنافي
مفروض امشي وطريقي سيرعالأقدام ........ وللدرب اللي بقي من الليل مش كافي
تقولي مابقبل معك خليك عنا نام ........ دربك رياح وخطر والطقس مش دافي
وابقى وبعد السهر انتي عا ريش نعام ........ تغفي وابقى أنا والشوق ولحافي
ويشعل بقلبي العطش عا صدرك الرخام ........ وبالسر قوم وإجي عا غرفتك حافي
هزك تتوعي وما توعي بعجقةالأحلام ........ إلا ما اطبع عا خدك جمرة شفافي
